Urdu Articles : Huge Articles Library!

Aik Hawker Apni Thaki Haari Cycle Se Taik Laga Kar Aik Rondey Huwey Footpath Pe Betha Soch raha Hei Akhbaar Bechtey Bechtey Boorha Ho Chala Hoon Har Roz Apni Cycle Pe Guzrey Kal Ki Taaza Khabrein Laadey Gali Gali Ghoomta Hoon Har Aaj Ke Din Guzrey Kal Ka Bojh Uthaatey Uthaatey Kandhey Be-His Ho Gaey Hein Ab Koi Khabar Bhaari Nahin Lagti Koi Jiye Ya Marey Koi Lutey Ya Basey Ye Roz Ki Baat Hei Ab Dil Nahin Jalta Wo Hawker Soch Raha Hei Par Ye Ajj Ka Akhbar Kyoon Nahin Uthaaya Ja Raha Kya Merey Kandhey Jhukney Lagey Hein Ho Sakta Hei Jhuki Gardan Ke Bojh Se Kandhey Bhi Jhuk Gaey Hon Shayad Abhi Parson Raat Ki Baat Hei Us Ki Beti Ghar Se Bhaag Gai Thi Aik Potli Mein Kuch Zewar Aur Bohat Se Sapney Baandh Kar Paaon Se Apni Laaj Ki Beri Utaar Kar Aik Larkey Ke Saath Raat Ke Andherey Mein Aik Roshan Dunya Ko Chali Thi Wo Lekin Phir Agli Hi Shaam Aik Weeran Sarak Ke Kinarey Pari Mili Thi Wo Saansein To Chal rahi Theen Lekin Zinda Nahin Bachi Thi Aaj Ke Akhbaar Mein Doosrey Safhey Par Tasweer Ke Saath Khabar Chapi Hei Us Ki Aik Hawker Apni Tooti Huwi Cycle Se Taik Laga Kar Aik Sakht Dil Footpath Pe Betha Soch Raha Hei Ye Aaj Ka Akhbaar Bhaari kioun haay

for contact - cutesangats@yahoo.com 03009287252