Urdu Articles

Bay Hisse Ka Mutlab Hota Hai Kise Cheez Say Bilkul La Taluq Hojana Or Kise Bhe Khushi Ya Ghum Ka Baghair Kise rad-e-Amal Kay Sah Jana.
Jab Kise Insaan Kay Ander Behise Paida Ho Jate Hai To Woh Achay Buray Or Apnay Parae Sab Main Tameez Kho Baithta Hai.Us Main Kise Bhe Rishtay Ke Pahchan Or Un Ke Izzat Khatam Ho Jati Hai.Kise Kay Dukh Dard Main Shareek Hona To Darknaar Un Kay Baray Main Sochnay Say Bhe Guraiz Karta Hai.
Ahista Ahista Hum Log Bhe Bay His Hotay Ja Rahay Hain.Humaray Dil Sakh Hotay Ja Rahay Hain.Is Ke Misaal Kuch Is Terha Hai.
Chahay kise Izat Dar Ke Lut'te Hue Izzat Ho,Maa Ke Ujarte Hue God Ho,Nannay Masoom Bachon Ke Taraf Barhta Hua Yateeme Ka Saya Ho,Bom Dhamakay Kay Baad Khoon Main Doobe Hue Lashon Kay Ambaar Hon, Jaga Jaga Bikhray Huay Insani Ajza Hon.Humaray Uper Is Terha Ya Is Say Baray Say Baray Sanehay Ka Asar Bhe Do Minutes Say Ziada Tari Nahin Rahta.Is Kay Baad Hum Log Apnay Roz Mar'ra Kay Kamo Main Mashghool Ho Jatay Hain.
Hum Log Insani Qadron Ko Bhooltay Ja Rahay Hain.Rishtay Daron Ke Jaga Rupay Paisay Nay Lay Le Hai,Sochnay Samajhnay Ke Salaheyat Na Honay Ke Had Tak Maflooj Ho Chuke Hai.Aik Doosray Ke Bardasht Ka Mada Khatam Ho Raha Hai.
Mohobbat,Nafrat Main Khaloos,bayrukhe Main Or Achae Buraeyon Main Tabdeel Ho Rahi Hain.Rishton Kay Taqadus Ke Pamali Ho Rahi Hai.
Roz-e-Hashar Jab Sab Ko Nama-e-Amaal Milay Ga To Hum Say Aik Sawal Haqoolalbaad Kay Baray Main Bhe Keya Jay Ga,Magar Hum Is Per Ghor-o-Fikar Karnay Or Amal Karnay Ke Bajae Bay Hissay ka Libada Orhay Dunya Dare Main Magan Hain.